Arno Parli: «Il heli tiran ins en sco ina chamischa la damaun»

Il manischar la maschina funcziunescha adina pli automatic, gist uschia sco ch'el lava ils dents u sa tira en la bun'ura.

Arno Parli
Legenda da maletgs: Arno Parli MAD

Quai ch'el n'avess mai s'imaginà ed er mai siemià è daventà realitad. Dapi il 2014 è Arno Parli da S-chanf pilot da helicopters. L'um sportiv da 31 onns è vegnì infizà al militar cun il virus «aviatica».

Uss na savess el gnanc s'imaginar sia vita senza sgular. Era suenter in accident mortal d'in bun collega da lavur, ch'aveva bittà per in mument per terra l'Engiadinais.

Recreaziun ed energia chattia el adina puspè tar sia segunda amur: l'Engiadina. L'emprim'amur saja l'aviatica e quella impedeschia er in pau el da chattar la dunna per la vita.

En il Profil raquinta Arno Parli da sias finamiras ambiziusas e la carriera ch'el ha fatg dal falegnam al pilot da helicopter.

Laschar ir video «Arno Parli viva ses siemi»

Arno Parli viva ses siemi

1:08 min, RTR Social dals 15.2.2019

Autur/a: Anna Caprez