Balser Derungs – in um fitg multifar

L'emprim emprendissadi da Balser Derungs da Ftan è stà mecanist d'autos. Oz maina l'um 62 onns, ensemen cun sia dunna Cilgia e ses figl Jon, ils dus hotels Bellavista ed Engiadina a Ftan.

Balser Derungs da Ftan hotelier e um multifar.
Legenda da maletgs: Balser Derungs da Ftan hotelier e um multifar. RTR, Reto Mayer

Ils onns avant ch'el ha cumenzà la carriera da hotelier ha Balser Derungs pratitgà differentas professiuns: mecanist d'autos, electronist, nurser, pur, guardia chamona, chasarin ed el ha er fundà la firma da glatsch Balnot.

Balser Derungs è maridà e bab da dus uffants. In mument dramatic ha el gì tar l'incendi da l'hotel Bellavista avant 2 onns. En il Profil raquinta l'um multifar da las sfidas dals differents mastergns ch'el ha pratitgà durant sia vita professiunala.

Redacziun: Reto Mayer