Clau Dermont

«Mintga Rumantsch e mintga Rumantscha sto contribuir insatge per il rumantsch»

Clau Dermont
Legenda da maletgs: Clau Dermont Yanik Bürkli / Südostschweiz

Gea, in Rumantschun saja el schon, di Clau Dermont. Ma be dasper. La critica vers la Lia Rumantscha, la lavur sco co-president da la Pro Svizra Rumantscha e l'engaschament per ils Rumantschs e las Rumantschas che vivan giu la Bassa – quai fa el da notg. Durant il di è el politolog e perscrutescha a l'universitad da Turitg tge influenza che la digitalisaziun ha sin la politica e sin la democrazia.

Er en Svizra datti novas furmas da far cumbat electoral. Ma il sistem politic funcziuna sco in frain per manipulaziuns tras las medias socialas. Per fortuna, di Clau Dermont, cun in sguard vers l'America e la Brasilia. Dapli quitads fa el per ils pli giuvens. Quels gnanc s'infurmeschan pli davart temas politics, là avain nus in problem, di Dermont. Il Profil cun il politolog Clau Dermont che di tge che Magdalena Martullo pudess emprender da Martin Candinas, co che fake-news funcziunan e tschagula sin la pizza.

Moderaziun: Anna Serarda Campell