Claudia Jann: «Tar ils proxims CM da skis sun jau da la partida»

Tar ils Campiunadis mundials da skis dal 2003 a San Murezzan è creschì tar ella il giavisch da far part dal comité d'organisaziun dals proxims campiunadis. Ussa è ella responsabla per la communicaziun e las medias.

Claudia Jann durant in'intervista cun RTR
Legenda da maletgs: Sco responsabla da medias è Claudia Jann quella persuna che dà pled e fatg als schurnalists. MAD

Questa plazza ha ella survegnì cun 28 onns. Sco giuvna dunna en ina posiziun cun uschè bler responsabladad ha ella stuì sa cumprovar – dapli che auters. Quai saja per part stà difficil, di ella oz. Quai haja dentant era motivà ella da mussar ch'ella saja capabla.

En l'emissiun Profil raquinta Claudia Jann co ella è daventada responsabla da medias dals Campiunadis mundials da skis 2017 a San Murezzan, tge sfida ch'il tempo da las medias socialas è stada, pertge che gia ils ultims Campiunadis mundials a Vail/Beaver Creek èn stads intensiv per ella e tge plans ch'ella ha per ses avegnir.

Autur/a: Riccarda Müller