Duri Denoth – cun 500 PS sin pista

L'enviern fa el pista sin la Motta Naluns e la stad è el chauffeur.

Durid Denoth en sia maschina da far pista.
Legenda da maletgs: Duri Denoth. RTR, Reto Mayer

Da mastergn è Duri Denoth da Strada en Engiadina Bassa mecanist d'autos. Curt suenter l'emprendissadi ha el surprendì l'affar da camiuns da ses bab. La firma cun trais camiuns da transport sur cunfin ha el manà fin la fin dal 2013. Uss lavura Duri Denoth la stad sco chauffeur en Engiadina Bassa e l'enviern va el cun ina maschina da far pista sin la Motta Naluns a Scuol.

Duri Denoth ha 44 onns ed è maridà dapi il 2001 cun Stefanie Denoth. Els han dus uffants en la vegliadetgna da 13 e 15 onns. En l'emissiun Profil raquinta el tranter auter da sia lavur sco maschinist e passenta quatter mais sulet sin la muntogna en la maschina da pista.

Autur/a: Reto Mayer