Elisabeth Bass-Cathomas: «Nus vendevan in chanaster bulieus per 5 francs»

Ella è stada pura, ella ha lavurà en la tgira, ella ha fatg 3 films cun Mic Feuerstein, quai na tanscha dentant betg.

Elisabeth Bass-Cathomas.
Legenda da maletgs: Elisabeth Bass-Cathomas. RTR, Linus Livers

Elisabeth Bass è mamma e tatta, fan da la furmla 1 ed ella è ina tipica dunna da la muntogna. Cun ses frar va ella perfin a chavar cristals. Creschida si en Val Sumvitg, disada dad ir a pe e lavurar, e quai era cun 71 onns. Ella raquinta da sias aventuras - da filmar, mo era co ella ha accumpagnà persunas a la fin da lur vita en chasa da tgira.

Redacziun: Linus Livers