Felix Keller: «Quai è il pli bel regal ch'il mund ha dà a nus»

Il glaziolog da Samedan Felix Keller observa dapi onns il glatscher dal Morteratsch, è in expert da schelira permanenta e suna cun passiun la gìa.

Purtret da Felix Keller
Legenda da maletgs: Felix Keller RTR, R. Müller

Il pli gugent collia el tut sias passiuns. Uschia organisescha el regularmain excursiuns cun scolars, students, seniors ed auters interessads per mussar il glatscher e l'effect ch'il midament dal clima ha sin el. Durant las pausas prenda el lura gugent ora la gìa e suna in toc.

Talas lecziuns portian il pli bler, è l'um sportiv da 54 onns persvas. Quai haja mussà era in studi ch'el haja fatg. Tut quai ch'ins haja sez passentà, restia pli ditg en memoria che la teoria sitga emprendida en la stanza da scola.

En il Profil raquinta Felix Keller da sia emprima giada sin il glatscher dal Morteratsch, pertge ch'el ha gì fortuna cun currer sur il glatscher d'Aletsch, pertge ch'el giauda dad instruir e danunder che sia fascinaziun per la musica dal nord vegn.

Autur/a: Riccarda Müller