Flurina Cavegn-Tomaschett – la teologia sco project da famiglia

Emprendì ha ella scolasta da scola da lavur e tener chasa. Cun 41 onns è ella sa decidida da far anc in studi da teologia.

Fotografia dal chau da Flurina Cavegn-Tomaschett
Legenda da maletgs: Flurina Cavegn-Tomaschett enconusch'ins era dal «Pled sin via» en radio e televisiun. RTR, Linus LIvers

«Atgnamain era ei per mei gia spert clar, che jeu luvras bugien per la Baselgia catolica», di Flurina Cavegn-Tomaschett (46) da Breil. Sur Giusep Venzin e sora Maria èn lura stadas las persunas che han animà ella da far in studi da teologia. Ma er l'entira famiglia da Flurina Cavegn han sustegnì ella da far quest pass. Ins savess dir, «miu studi ei stau in project da famiglia.»


Flurina Cavegn-Tomaschett è mamma da duas figlias creschidas. Ella è fermamain colliada cun il vitg da Breil, nua ch'ella abitescha cun ses um. Da nov è ella pledida sco assistenta pastorala en la plaiv da Glion.

En il «Profil» raquinta Flurina Cavegn-Tomaschett dentant era da la fascinaziun per il sport e la via da son Giachen.

Redacziun: Linus Livers