Siglir tar il cuntegn

Header

audio
Eva Riedi Collen: «Igl è impurtant da rumper or dals standards»
Or da Profil dals 16.11.2019.
laschar ir. Durada: 58:03 minutas.
cuntegn

Eva Riedi-Collen: «Igl è impurtant da rumper or dals standards»

La Lumneziana è scriptura, manadra da fatschenta e mamma. Ina dunna che dovra moviment en sia vita per sa sviluppar vinavant. Quai adina cun ina gronda purziun umor en il cor.

La dunna da 44 onns na tema betg las midadas, era sche quai munta mintgatant da bandunar la uschenumnà zona da confort.

Ma Eva Riedi da Morissen n’ha betg lascha irrità da dubis ed è ida sia via. Per quella via è il umor in essenzial accumpagnader per la lumneziana.

Igl è impurtant da rumper ora dals standards e na betg adina prender sa sez uschè serius. Quai fa pli lev la vita.
Autur: Eva Riedi-CollenManadra da fatschenta
Eva Riedi vida lurar
Legenda: Eva Riedi-Collen en ses biro a Aettenschwil. RTR, Carin Caduff

La via da la studenta en l'independenza

Eva Riedi ha studegià germanistica e retoromanistica a Friburg. Durant quai temp ha ella fatg in onn da barat a Berlin. La grondezza da la citad ed uschia era l'anonimitad è in dals puncts ch'Eva Riedi ha schazegià fitg.

Quai temp a Berlin a dà a mi in grond sentiment da libertad. I na deva nagina controlla sociala. Nagin s'interessava tgi ch'jau sun ni tge ch'jau fetsch.
Autur: Eva Riedi-CollenManadra da la fatschenta

Cur ch'ella è turnada ha ella doctorà ed gist anc survegnì sia emprima figlia. Sper esser mamma ha Eva Riedi savens lavurà en posiziuns da manar.

Atgnamain sun jau adina vegnida en fatschentas nua ch'ei mava per bajegiar si enzatgè nov.
Autur: Eva Riedi-CollenManadra da fatschenta

Quellas experientschas han gidà la dunna da Morissen, da realisar il siemi da bajegiar si l'atgna fatschenta ad Aettenschwil el chantun Argovia.

Tier 'coeco' sustegnain nus interpresas che sa chattan en process da midaments, tranter auter era en il connex cun la digitalisaziun.
Autur: Eva Riedi-CollenManadra da fatschenta

RR Profil 09:00