Jacqueline Giger Cahannes – da Supertramp enfin Friedrich Gulda

Dapi trais onns è ella la presidenta da la Filarmonia da Chombra dal Grischun – la giurista Jacqueline Giger Cahannes.

Fotografia dal chau da Jacqueline Giger Cahannes
Legenda da maletgs: Jacquelin Giger: «Avair pazienza n’è betg mia fermezza». RTR, Guadench Dazzi

Ella è creschida si èn l'hotel Lucmagn a Mustér cun trais fragliuns. En il Profil raquinta Jacqueline Giger daco ch'ella n'è betg daventada ni hoteliera ni lavurera sociala, mabain giurista.

Sco manadra dal servetsch giuridic da l'uffizi dal servetsch social dal chantun Grischun ha ella lura dentant chattà in champ, nua ch'ella po cumbinar ses dus interess professiunals.

Sper sia lavur sco giurista e mamma è ella engaschada sco presidenta la Filarmonia da Chombra dal Grischun, in orchester cun var 35 musicistas e musicists che po festegiar quest onn ses giubileum da 30 onns. E qua vuless ella cunzunt surmuntar las barrieras ch'i dat envers la musica classica.

Redacziun: Guadench Dazzi