Lea Friberg: «Bleras butias han manchentà la digitalisaziun»

Ella sa tge ch'i dovra per carmalar nus en butia u sin ils shops en l'internet. Lea Friberg (33) da Breil è spezialista da marketing e da communicaziun a Turitg.

Pli gugent la citad che las muntognas. Lea Friberg giauda la vita a Turitg e sa legra ch’ils dis vegnan puspè pli lungs.
Legenda da maletgs: Pli gugent la citad che las muntognas. Lea Friberg giauda la vita a Turitg e sa legra ch’ils dis vegnan puspè pli lungs. RTR, Adrian Camartin

Ma era en sia branscha n'è betg tut mo rosa, sco en la publicitad en las gasettas ed a la televisiun. Lea Friberg ha perquai era ina vista critica sin sia branscha.
«En Svizra ha il retail manchentà in pau la digitalisaziun e sto prender suenter bler. I vegn bain fatg plans, ma jau hai il sentiment ch'i na vegn betg realisà avunda u betg avunda spert.» Nua ch'ella vesa il futur da la reclama en Svizra, e pertge ch'ella è leda da betg esser daventada advocata raquinta Lea Friberg en il Profil dal Radio Rumantsch.

Autur/a: Adrian Camartin