Mario Pult – dal franzos, il far laina e da l’amur

Sche l'amur per l'Engiadina na fiss betg stada pli ferma fiss el oz scolast da franzos.

Fotografia dal chau da Mario Pult
Legenda da maletgs: Mario Pult. MAD

Mario Pult (65) è creschì si a Sent, ses cor batta dapli onns dentant per Ftan. Quai ha da far bler cun sia dunna Uorschla e cun ils passa 25 onns che el è stà là magister primar. Il meglier magister saja quel, nua che l'uffant gnanc percorscha la preschientscha dal scolast, di Mario Pult. Sper il giugar ed inscenar teater è il far ora laina ina da sias grondas passiuns. El na chapescha però betg co ch'ins possia duvrar per questa lavur ina maschina da sfender laina. In accident en il guaud ha dentant avant onns gì per consequenza ch'el ha passentà plirs mais a l'ospital. Dapli 10 onns lavura el uss sco promotur per la Lia Rumantscha en Engiadina e Val Müstair. La fin d'avrigl va el en pensiun, in bun mument per partir per la Frantscha.

Redacziun: Guadench Dazzi