Mia vita – mia musica cun Nicola Roner

Nicola Roner.
Legenda da maletgs: Nicola Roner. RTR

Nicola Roner è in dals pli giuvens giasts insumma e forsa era il pli giuven manader d'in club en il Grischun. Cun 19 onns ha el mess en moviment la giuventetgna en l'Engiadina Bassa ed ha avert cun ses collega puspè in lieu per ir en sortida, numnadamain il CULT a Scuol.

Uss, cun 21 onns, è el gia sa retratg da la funcziun da manar il club. Betg perquai ch'el n'avess betg pli plaschair... na, el ha anc plans pli gronds.

En l'emprima ediziun da «Mia vita – mia musica» raquinta el da sia amur passada per il hip-hop e da sia nova amur: il goa. Tgi che ha quaida da vegnir inspirà d'ina flomma anc giuvna, dentant ferma – duai tadlar l'emissiun questa sonda.

1. Runaway – Bon Jovi
2. Richtig – Breitbild
3. The Dude – Kronfeld
4. Pumped Up Kicks – Forster The People
5. Rave – Sam Paganini
6. You Can't Hide, You Can't Run – Dilated Peoples
7. Kids – MGMT

Redacziun: Oceana Galmarini