Siglir tar il cuntegn

Header

audio
Mia vita – mia musica cun Patrick Rothmund
Or da Profil dals 20.07.2019.
laschar ir. Durada: 56:54 minutas.
cuntegn

Profil Mia vita – mia musica cun Patrick Rothmund

El è creschì si a Trun/Campliun cun musica taliana, ha visità blers concerts ed è stà ad alp per pudair cumprar sia emprima stereo. Da professiun è Patrick Rothmund architect ed el descriva sasez sco ina persuna cun bler mirveglias per chaussas dal mintgadi.

Patrick Rothmund ha ina biografia musicala fitg differenta. Davent da Nena fin a Rage Against The Machine, davent da Umberto Tozzi fin a Pink Floyd.

Rothmund è creschì si a Trun/Campliun tar sia tatta nua ch'el ha era emprendì d'enconuscher la cultura taliana. La tatta affittava numnadamain chombras a lavurers che vegnivan els onns 80 da l'Italia per lavurar a Trun e conturn sin il bajetg. Entras els ha Patrick emprendì d'enconuscher la musica e la cultura taliana.

Pli tard ha el decis da far l'emprendissadi da scrinari, lura dissegnader da construcziun auta e pli tard il studi d'architectura interna a Basilea. Ina citad che ha plaschì fitg bain ad el. Oz ha l'um da 48 onns in agen biro d'architectura a Trun ed a Laax.

Musica possia tutgar directamain en il cor, quai sch'ella saja directa, sincera e senza firlefanzas. Magari sumegliant a buna architectura, descriva Patrick Rothmund.

La biografia musicala

  • Nena – Rette mich
  • Umberto Tozzi & Raf – Gente di mare
  • Rage Against The Machine – Bullet in the Head
  • The Cranberries – Just My Imagination
  • 2Raumwohnung – Nimm mich mit, das Abenteuer Liebe
  • Die Toten Hosen – Altes Fieber
  • Pink Floyd – One of these Days

RR Mia vita – mia musica 09:00