Mia vita – mia musica: cun Robert Grossmann

Sia vita il ha manà da la California sur diversas staziuns enfin en Engiadina. E ses orizont musical sa stenda dal blues enfin al baroc.

Robert Grossmann cun deschset onns ed oz.
Legenda da maletgs: Robert Grossmann cun deschset onns ed oz. MAD, e RTR, Angela Hendry

Gia sco mat da diesch onns era Robert Grossmann fascinà da la musica da blues. Cun sia ghitarra ha el pli tard sunà jazz e lura studegià lauta e sa perfecziunà en musica da la renaschientscha ed il baroc. A la biografia musicala da l'um, ch'è s'engaschà la fin dals onns 1960 encunter la guerra en Vietnam, fa part tant musica da rock sco oz era ina gronda fascinaziun per Johann Strauss e ses valzer «An der schönen blauen Donau». Sper la musica, che sa tira sco in fil cotschen tras la vita da Robert Grossmann (65), collecziunescha el antiquitads, viva oz en il chastè da Schauenstein a Farschno ed è manader da la «Chesa Planta» a Samedan.

La musica da Robert Grossmann

  • T-Bone Walker – T-Bone Shuffle
  • Procol Harum – A Whiter Shade Of Pale
  • Joe Pass – All The Things You Are
  • Leonard Bernstein – West Side Story
  • John Dowland – La mia Barbara (lauta Hopkinson Smith)
  • Giacomo Puccini – Tosca (cun José Carreras e Herbert von Karajan)
  • Gustav Mahler – Ich bin der Welt abhanden gekommen (cun Christa Ludwig e Otto Klemperer)
  • Johann Strauss – An der schönen blauen Donau (Carlos Kleiber ed ils Wiener Philharmoniker)

Redacziun: Guadench Dazzi