Mia vita – mia musica: La passiun da Hans Neuenschwander ed il saxofon

En la scena da musica da l'Engiadina Bassa è Hans Neuenschwander ch'abita a Sent enconuschent sco musicist multifar.

Hans Neuenschwander e ses saxofon.
Legenda da maletgs: Hans Neuenschwander e ses saxofon. RTR, Reto Mayer

Il saxofon è da pitschen si ses instrument preferì. Sper quai suna Hans Neuenschwander anc la clarinetta, la posauna ed il eufonium. Dapi stgars 40 onns viva Hans Neuenschwander en l'Engiadina Bassa. Dapi lura è el commember da la Societad da musica da Sent. Sper quai ha el sunà er en differentas autras furmaziuns, da menziunar la Chapella Jünaiver ch'ha edì dacurt in disc cumpact. Ma la musica preferida da Hans Neuenschwander èn tocs sunads cun il saxofon, e quai en stils da tuts geners.

Autur/a: Reto Mayer