Profil cun George Voneschen

«Jau giaud da pudair gidar a furmar e scolar giuvenils durant lur emprims pass»

George Voneschen
Legenda da maletgs: George Voneschen. RTR, A. Caprez

Enstagl da daventar cuschinier ha la via manà a George Voneschen al seminari a Cuira. La passiun ed il plaschair da scolar e furmar glieud giuvna per il pass en la vita professiunala han accumpagnà a l'um sportiv durant ils ultims decennis. Dapi 17 onns maina el er la scola industriala a Samedan. Per chargiar las battarias sa recreescha l'um da 60 onns adina puspè en il chantun Tessin en la chasina da vacanzas. Actualmain sa mova George Voneschen adina puspè sin il glatsch. Ensemen cun ses collegas gioga el turniers da curling.

Redacziun: Anna Caprez

Autur/a: RTR/dh