Profil cun Renato Projer

Stgalas, entagls detagliads, ovras d'art u tibas tut quai fa Renato Projer en sia scrinaria d'ina persuna a Casti. Betg a maun, mabain cun sias duas maschinas da CNC. Cun quellas po el resgiar era furmas fitg cumplexas, insatge che dura era ina giada 40 uras e dapli. Tar ils falegnams vala el perquai sco exot.
Lain n'è dentant betg la suletta passiun da Renato Projer. El zambregia gugent vi dad uschia numnads «motocarri», töfs da trais rodas cun ina sort da char annex. Tge che quai è precis e tge che fascinescha el vi da quests vehichels raquinta Renato Projer en il Profil dal Radio Rumantsch.
Redacziun: Riccarda Mühlemann