Riccardo Thöni: La vita porscha dapli che mo ina chanzun

El ha lavurà sco schef da persunal gia en las pli differentas branschas. Dapi tschintg mais è Riccardo Thöni (54) schef da l'uffizi da persunal dal chantun Grischun, da 3'300 persunas che lavuran en 39 uffizis differents.

Fotografia dal chau da Riccardo Thöni
Legenda da maletgs: Riccado Thöni (54) oriund da Susch. RTR, G. Dazzi

Ch'el è daventà la finala econom è casualitad, sia mamma avess gì gust sch'el fiss daventà pader ed el sez fiss gugent daventà pilot. Ch'i saja en sia lavur, a chatscha u sco bab da dus uffants - el tschertga adina l'equiliber tranter chau e venter, tranter cogniziun ed intuiziun.

Musicalmain ha Riccardo Thöni in flair per plirs stils, tant per musica da militar sco era per AC/DC – pertge la vita porscha dapli che mo ina chanzun.

Autur/a: RTR/Guadench Dazzi