Rico Caratsch – Dal grenadier tar il policist da lullis

Il si e giu emoziunal è quasi il fil cotschen tras la vita da Rico Caratsch. Creschì si en ina famiglia da purs cun sis fragliuns a Müstair è el dapi l'entschatta da sia vita vegnì confruntà cun la mort.

Rico Caratsch
Legenda da maletgs: Rico Caratsch - servetsch per giuvenils. RTR Claudia Cathomen

Lentira vita professiunala ha Rico Caratsch (47) passentà tar la Polizia chantunala. Sco pli giuven grenadier da ses temp ha el suenter in pèr onns en l'Engiadina midà a Cuira ed ha fatg carriera tar ils grenadiers, la truppa d'elita da la Polizia chantunala.

Suenter in burn-out ed ina pausa da plirs mais è Rico Caratsch turnà en il process da lavur sco simpel policist tar il post per giuvenils da la Polizia chantunala. In grond pass enavos en la carriera, dentant in grond pass enavant ord vista persunala.

Autur/a: Claudia Cathomen