Ursina Haller: «Talent n’è betg ina garanzia per success»

Ella ha vivì blers onns la vita dina nomada, è viagiada din trenament a lauter, dina cursa a tschella, è stada sin podests, ha survegnì medaglias, tutgava tar las meglras snowboardistas dal mund.

-
Legenda da maletgs: L'anteriura snowboardista Ursina Haller. MAD, Ursina Haller

Ursina Haller, oriunda da Zernez, ha passentà sia mesa vita sin laissa. Cun 28 onns ha ella finì la carriera da profi. Quai è stà avant sis onns. «Ina cesura betg be simpla», raquinta Haller. Entant ha ella chattà ina passiun nova: il scriver – il schurnalissem.

Ed in zic nomada è ella restada. Dapi dus onns viva ella en la California, en il Silicon Valley. Là nua che vegn creada la tecnologia dal futur. E precis sur dals avantatgs e cunzunt sur dals privels da quella, rapporta ella adina puspè en gasetta – ed en quest Profil.

Autur/a: Anna Serarda Campell