Il Radio Rumantsch sin viadi il 1990 a Riom

Vischnanca da Riom.
Legenda da maletgs: Chastè da la vischnanca da Riom. MAD

Avant 25 onns aveva la redacziun «Allegra» dal Radio Rumantsch visità durant la stad differentas vischnancas rumantschas en l'entir Grischun. Ina visita era stada quella a Riom/Parsonz sin la vart dretga dal Surses. Differenta glieud indigena era vegnida a pled, furmaziuns dal lieu avevan sunà ed ils uffants da scola chantà live per il RR. Tranter auter avevan ils da Riom/Parsonz era declerà las differenzas dad els cun quels da Savognin. Ed insistì che la gronda part dal territori da skis da Savognin saja territori che tutgava a la vischnanca da Riom/Parsonz.
Redacziun: Flavio Huonder