Peter Haas (†), il caricaturist da Domat

Peter Haas, il caricaturist da Domat
Legenda da maletgs: Peter Haas, il caricaturist da Domat. RTR

L'enconuschent caricaturist grischun Peter Haas ha bandunà il terrester mez schaner da quest onn en la vegliadetgna da 81 onns. Lartist da Domat astg'ins titular sco in dals gronds caricaturists rumantschs ch'il Grischun ha gì insacura. El ha fatg dissegns da sias uras per il magazin da satira Nebelspalter. Plinavant vala el sco bab dals dissegns da l'istorgia dals Rumantschs, da la paraula dal salip e la furmia ed dal comic «Ladina Bonetti». Oriundamain aveva Peter Haas fatg l'emprendissadi sco laborant da chemia en las ovras da Domat. Pir cun 40 onns ha Peter Haas fatg il pass en l'independenza ed avert ses agen atelier sco graficher e caricaturist en ses lieu nativ a Domat. En regurdientscha al caricaturist emettas il RR in'emissiun Profil cun Peter Haas ch'era vegnida realisada il 2006.
Redacziun: Flavio Huonder

Autur/a: RTR/dh