100 onns Jon Pult

Jon Pult avess cumplenì quest onn, ils 3 d’avust, 100 onns.

«Jon Pult è stà in dals interessants activists ed ambassadurs dal moviment rumantsch dal 20avel tschientaner» di Rico Valär, romanist ed autur d’in cudesch sur da Pult. «Pleds e scrits» ha num sia monografia gist cumparida. Ed ella cuntegna precis quai: Pleds che Jon Pult ha tegnì, artitgels che Jon Pult ha scrit durant sia vita, bunamain adina davart il Rumantsch.

Tranter tut quest material datti natiralmain era contribuziuns che Pult ha gì fatg per la Televisiun Rumantscha. Ina da quellas, in purtret dal celebrà musicist e cumponist engiadinais Otto Barblan da l'onn 1972.

RTR