Aria – ils objects sgulants da Dumeng Secchi

En la tschintgavla ediziun dal «Sas anc?» preschenta Arnold Rauch in film pli damanaivel al tschiel che a la terra, senza ch’el daventa religius.

Il film «Aria» dad Urs Frey è in film ligerin sco ina plima, in che vul mussar co ch’ils utschels sgolan si vers ils nivels, in film sur dal siemi da savair sgular, forsa il pli vegl da tut ils siemis umans. Il siemiader dal film dad Urs Frey è Dumeng Secchi da Ftan.

Dapi onns, anzi decennis, aveva Secchi sa deditgà a la construcziun da fantastics objects sgulants, ha Frey scrit da lezs temps, e ... si vers il tschiel serain, daventan sias creaziuns – poesias.

RTR