Artisanadi

Gia per la quarta giada datti da vesair ils Cuntrasts cun films vegls che Arnold Rauch ha «chavà ora» giun tschaler da la Televisiun Rumantscha.

Guardond quests films dals emprims onns da la Televisiun Rumantscha sa sentan ins catapultà enavos en ils onns 60 e 70. Da quel temp vegnivan ils redacturs anc si da Turitg a mussar sco che quai va da far televisiun. Be che quels na savevan betg rumantsch! Forsa datti perquai divers films rumantschs da quels onns, nua che quels che vegnan avant là, na din gnanc «pap». Putgà, vis or dal punct da vista dad oz. Per la paja commentaturs ch’eran Rumantschs da num e da pum. Cla Biert per exempel u Toni Halter, Leza Uffer u Gion Deplazes.

En quest’emissiun sa tractai dad artisans, glieud che savevan far chaussas che na betg mintgin saveva far. Per exempel far vinars, far rastels a maun u entagliar en lain. Betg mo ils artisans èn qua plitost gia artists er ils films sco tals èn pitschnas ovras d’art.

RTR