Be üna mür (E davent e’la!)

Davart l’uman e la mieur

Sas anc? Gea, jau sai anc che mes collega Gian Andrea Reinalter ed jau – Arnold Rauch – avevan persequità la mieur en l’entir Grischun, sch’era mo cun la camera.

Gian Andrea dumandava ora la glieud e jau gieva en tschertga da las mieurs, ratuns ed era talpas. Per nagin auter animal ha il carstgaun inventà tantas metodas per destruir el sco per la mieur. Pigliond ora forsa per sasez!

La mieur engola, irritescha, fa tema. E tuttina: In dals pli simpatics animals è e resta la mieur. La relaziun cun la mieur è pia fitg ambivalenta. Il film «Be üna mür» da Gian Andrea Reinalter ed Arnold Rauch va a la tschertga da la mieur, sur e sut terra, en las gondas, en tschalers ed en las chanalisaziuns.

RTR