Curaschi civil

En la seria «Sas anc?» da questa stad preschenta Arnold Rauch films en il Kino Apollo a Cuira, in lieu nua ch’i vegn mussà films gia dapi prest 60 onns, da quels da rir e da quels serius. Plitost tar la segunda categoria appartegna il film da questa dumengia.

I sa tracta dal curaschi civil, ina furma da curaschi che n’è betg fitg derasada, forsa mai stada, ma i dat da quels ed in noss cas, i ha dà da quels. Igl è l’istorgia da trais Grischuns, che han mussà curaschi civil avant e durant la segunda guerra mundiala. Reto Caratsch, correspundent da la NZZ a Berlin, Gaudenz Canova, president dal cussegl grond, ed Anton Bühler, secretar da departament, che ha salvà la vita da passa 100 gidieus. Trais biografias da trais umens curaschus. In film da l’onn 2002, da Bertilla Giossi e Ruedi Bruderer.

RTR