Films divers

«Sas anc?» la seria da stad cun films vegls da la Televisiun Rumantscha datti da vesair per la setavla – e gia per l’ultima giada quest onn.

Entant che tschellas sis emissiuns eran tematicas, ha Arnold Rauch tschertgà ora per l’ultima ediziun in pèr preziusadads diversas. In film dal 1965, fatg cun gronda premura, mussa co ch’in pachet da la posta arriva da Quinten al Lai Rivan fin a Surrin en Lumnezia e quai amez l’enviern. Il «Balcun tort» aveva era documentà la fabricaziun da las ovras electricas en il Grischun, in project gigantic, u era registrà l’enconuschenta organista Esther Sialm sunond Buxtehude en la baselgia da Mustér.

RTR