Gea, jau vi – nozzas a Falera ier ed oz

Il Kino Apollo, ina sala cinematografica da bellezza, derasa in’atmosfera tut atgna ed agreabla. Cura ch’ins sesa sin las tipicas sutgas cotschnas èn ins plain aspectativas. Ma tge spetga nus oz?

Il di dals dis, il grond di per quels che sa tegnan anc vi da la tradiziun e maridan, cura ch’els han chattà la dretga u il dretg. Anc adina datti pèrs che ristgan da far quest pass e che cultiveschan era las tradiziuns dal di da maridaglia.

«Gea, jau vi» è il titel dal film. En il film ch’è vegnì producì l’onn 2005 raquintan trais pèrs da trais generaziuns da lur rituals da nozzas.

RTR