Il decenni da la musica nova e dal «rock’n roll»

Entant ch’ils chantauturs pudevan anc pretender ch’els vegnian da la chanzun populara e dal chant inventà sez, eran las gruppas da rock per blers gia bunamain anarchics.

Cler ch’il rock existiva gia dapi lung temp, cler ch’ils «Beatles» ed ils «Rolling Stones» avevan revoluziunà la musica populara sco mai, ma rock rumantsch?

Cun in tschert retard muntagnard han er ils giuvens musicists rumantschs cumenzà a far rock e pop cun grond success. A partir dals onns 80 hai dà bands rumantschas ch’èn anc oz famusas. I na vegniva betg be chantà «I love you, yeah, yeah, yeah», sco tar ils «Beatles». Ils texts dal rock rumantsch eran per ina gronda part critics ed engaschads.

Quai na betg be dad udir, ma er da vesair, en la terza ediziun da la seria da stad da la Televisiun Rumantscha «Sas anc?».

RTR