Il decenni da la musica nova e dals chantauturs

Da tut ils temas preferids, è la musica per Arnold Rauch – il moderatur dal «Sas anc?» – il tema il pli apprezià da tuts.

Ils onns 80 da tschel tschientaner èn stads onns da gronda creativitad ed activitad musicala, ed il rock rumantsch è daventà ina part impurtanta da la cultura Rumantscha.

Anc pli activs èn stads ils «chantauturs» – numnads dapi quella giada uschia, tenor la definiziun taliana «cantautori» – quels che fan tut sez, la musica, il text e l’interpretaziun. Ils pioniers eran Paulin Nuotclà e Benni Vigne. Ma lura èn cumparids er novs chantauturs sin il palc: Linard Bardill, ils Corays, ils Hobis e Nays, Corin Curschellas ed auters.

Ils chantauturs cun lur texts engaschads, cun lur musica innovativa e cun lur preschientscha, èn il tema da la segunda ediziun da la seria da stad da la Televisiun Rumantscha «Sas anc?».

RTR