Ils artists

In tema preferì dals redacturs dals onns 60 e 70 eran ils artists. Surtut Hendri Spescha aveva in nas fin per la pictura moderna ed era il curaschi necessari da purtretar artists giuvens, da lez temp a l’entschatta da lur carriera.

Entant, bundant 40 onns pli tard, hai dà londeror artists enconuschents, tranter quels ils pli enconuschents artists grischuns. Per exempel Corsin Fontana che cumpara en in film en alv e nair da l’onn 1970 en la vegliadetgna da be gist 25 onns. Era a l’artista engiadinaisa Madlaina Demarmels aveva Spescha deditgà sia attenziun ed era or dad ella hai dà in’artista excellenta.

Il pli enconuschent dals trais artists che Arnold Rauch preschenta en la segunda ediziun cun films or da l’archiv da la Televisiun Rumantscha è Matias Spescha, il frar dal redactur-poet Hendri. Ed era qua ha quel gì raschun da mussar la lavur intensiva da ses frar, che vala oz per in dals gronds picturs e sculpturs grischuns.

RTR