Increschantüm

Il Kino Apollo a Cuira, fabritgà l’onn 1956, è in dals pli bels kinos en Svizra, in lieu sco fatg aposta per preschentar er films da la Televisiun Rumantscha. Questa dumengia mussa Arnold Rauch in film musical cun il titel «Increschantüm».

Quai savura magari da l’Engiadina, perquai che l’encreschadetgna è en l’Engiadina ina malsogna fitg derasada. I vegn ditg che l’Engiadinais lascha encrescher schizunt cur ch’el è a chasa. Forsa è la musica dal legendar Fränzli Waser – «Fränzli culla gìa» – daventada perquai in stil musical tipic engiadinais, e la musica ch’ils Fränzlis da Tschlin fan ozendi.

Stefan Haupt, autur da films, enconuschent en Svizra er sco reschissur da films fictivs, è stà talmain fascinà dals Fränzlis da Tschlin, ch’el ha fatg l‘onn 2000 il film «Increschantüm» per il kino e per la Televisiun Rumantscha.

RTR