Industrias

La sisavla ediziun dal «Sas anc?» cun films vegls dals onns 60 e 70 è deditgada a l’industria grischuna.

Enturn l’onn 1970 avevan ils redacturs dal «Balcun tort» prendì sut la marella u ditg meglier, en l’objectiv da la camera, pli u main tut quai che pudeva vegnir numnà industria. Da vesair èn fabricas grischunas che n’existan per part betg pli: Per exempel la fabrica da ponn a Trun u la fabrica da tschigulatta a Cuira. Ma i dat era da quellas che produceschan anc oz cun success, sco p.ex. la chava da granit ad Andeer.

RTR