La musica

Giu en tschaler da la Televisiun Rumantscha vegn ins mo darar, cumbain che dess giu là da perscrutar ina pluna material interessant, gist perquai ch'el è vegl ed emblidà.

En l’emprima ediziun dal program da stad or da l’archiv da la Televisiun Rumantscha preschenta Arnold Rauch musicantas e chantadurs, instrumentalists ed entirs chors ch’avevan demonstrà lur musicalitad da maniera surprendenta. Ils frars Janett sunavan gia da giuvenots, il chor unifitgà da Mustér era vegnì sustegnì dal brigliant tenor Renato Premoli, Vico Torriani fascheva da pajass e Paulin Nuotclà chantava il «Gronda cità blues» da l’onn 1970.

Material d’archiv bain, ma senza pulvra. Material deposità en il stgir dals tschalers da la Televisiun Rumantscha che reviva e resuna.

RTR