Mic Feuerstein, l’um da camera da la Televisiun Rumantscha

Gia avant sia morta l’onn 2000 era «noss» um da camera Mic Feuerstein daventà legendars. Mic era in um temerari, cun in bun egl, cunzunt per la natira.

«Jau n’hai betg dà a la televisiun la muntogna», aveva el ditg ina giada cun raschun. Ils purtrets ils pli sensaziunals eran quels da la selvaschina, cunzunt da sias bestgas preferidas, ils tschiervs. I vegniva pretendì, ch’i bastava per Mic da metter la camera sin il stativ e gia passavan il tschiervs davant l’objectiv vi. Che quai n’è betg in mitus mussan ils films da Feuerstein, che Arnold Rauch preschanta en la segunda ediziun dal «Sas anc?», la seria da stad da la Televisiun Rumantscha.

RTR