Onna Maria, cronica d’in mazzament

Il kino viva fin che las salas èn stgiras, aveva l'enconuschent producent da Hollywood, Samuel Goldwyn, ditg. E quel saveva schon da tge ch’el discurra. Fitg adattà è ina sala stgira cur ch’il film è in crimi.

En noss cas, en la terza ediziun dal «Sas anc?» or dal Kino Apollo a Cuira, preschenta Arnold Rauch ina documentaziun d’in cas criminal da prim rang.

Ils 20 d’avust 1885 piglia ina bella dunna giuvna dad apaina 22 onns la sigir e mazza ses marì en in primaran en la Val Sumvitg. Onna Maria vegn sentenziada a 25 onns praschun e passenta 20 onns en ina cella dal «Sennhof» a Cuira. L’onn 2001 ha Gieri Venzin tschertgà fastizs da quella tragedia – en ils archivs da Cuira, en memoria da la glieud da Rabius ed al lieu dal mazzament.

RTR