Passar sur il pass

Sur dal San Bernardin ed il scumond dad ir cun auto en il Grischun!

Senza auto èn ins pers en il Grischun! Quai vegniva pretais pli baud e quai vegn pretais per part anc oz. Er sche blers desistan ozendi sin in agen auto.

Nus cun tantas muntognas, pass e vias principalas e lateralas stuain bain avair in auto. Ma gist precis en il Grischun èsi stà scumandà dad ir cun auto fin l’onn 1925. Suenter diversas votaziuns fitg dispitadas è l’auto vegnì permess e dapi quai di circuleschan adina dapli autos sin las vias grischunas. Ina da las vias cun il pli grond traffic è la via vers sid tras il tunnel dal San Bernardin ch’è vegnida inaugurada l’onn 1967.

L’istorgia dal tunnel e l’istorgia da l’auto en il Grischun èn ils temas da la proxima ediziun dal «Sas anc?», la seria da stad da la Televisiun Rumantscha.

RTR