Siglir tar il cuntegn
cuntegn

Sas anc Purtret da l’emissiun

Durant 6 onns ha il redactur Arnold Rauch chavà e chavà en l'archiv televisiv da Radiotelevisiun Svizra Rumantscha. E chattà ha el vairs stgazis ch'el ha preschentà mintgamai durant la stad.

Visual «Sas anc?»
Legenda: «Sas anc?» RTR

«Sas anc?» La dumonda da l'emissiun è program. Arnold Rauch vuless animar la memoria, vuless mussar perlas filmicas e far reviver ils temps passads. Stad per stad ha Arnold Rauch perquai preschentà quests davos onns sias truvaglias – saja or dals archivs dad RTR ubain perfin or dal Kino Apollo a Cuira.

Arnold Rauch, in redactur da Radiotelevisiun Svizra Rumantscha
Legenda: Arnold Rauch, durant 35 onns redactur da Radiotelevisiun Svizra Rumantscha. RTR

Las istorgias che l’archiv da Radiotelevisiun Svizra Rumantscha raquintan, èn multifarias. I dat bleras surpraisas, films da qualitad, producziuns forsa emblidadas suenter dus u trais decennis. U as regurdais vus anc dal film da la vatga brina, la vatga da las vatgas? U savais anc l'istorgia dad Ulinda e Mathias – il Romeo e la Giulietta da l’Engiadina? U il film legendar davart il Brissago, sas anc?

L'emissiun «Sas anc?» è vegnida emessa durant la stad dal 2011-2016, adina la dumengia a las 17:25 sin SRF 1.