«Sas anc?» – la seria da stad da la Televisiun Rumantscha

Per la terza giada passenta Arnold Rauch la stad giu en las catacumbas da l’archiv da la Televisiun Rumantscha.

Er sch’il sulegl n’è anc mai arrivà fin giu là, va el voluntarmain giu en il tschaler a la tschertga da films vegls. Quai n’è betg lavur per el – igl è passiun! «L’archiv è in stgazi incumparabel, e pudair mussar contribuziuns gia emblidadas sveglia bellas regurdientschas».

En set ediziuns vegnan mussads films da las catastrofas dals onns 80 dal tschientaner passà. Ma er da la scena da musica rumantscha, che ha gì in decenni creativ sco mai. Perfin la satira aveva conjunctura auta da quel temp en la Televisiun Rumantscha.

E sco adina datti vers la fin da la stad anc in pèr surpraisas, che Arnold Rauch na vuleva betg anc tradir.

RTR