Tenors, sunatibas, trubadurs, chantaduras ed in pau cabaret

En il tschaler da la Televisiun Rumantscha datti ina pluna material interessant. In dals films ils pli curius che Arnold Rauch ha chattà quest onn en l’archiv datescha da l’onn 1970.

L’istorgia: Donat da Vaz II (il segund) va dapi 700 onns sco spiert per il Grischun enturn. Per ch’el chattia ses paus bastassi da rir in mumentin. Ma quai na grategia betg ad el. Beat, ses servient fidel, organisescha perquai in turnier da musica, nua che tut ils gronds e pitschens musicants provan da far rir il barun Donat. Ils pli differents artists cun lur pli allegras producziuns cumparan en il film, quai davent dal chantadur d’opera fin tar la gruppa da Beat.

RTR