8x15

Tadlar a sunar otg bands durant ina suleta saira da concert? Quai è pussaivel al 8x15 che Radiotelevisiun Svizra Rumantscha organisescha quest onn per l'emprima giada, suenter che SRF Virus ha fatg quai onns ed onns sulet.

8x15
Legenda da maletgs: 8x15 RTR

15 minutas ha mintga band sin tribuna e durant quel temp sto ella persvader il public. Ils 29 da settember vegn quai ad esser il cas en il Palazzo a Cuira. Per as far gust preschenta il Soundcheck trais bands ed in chantautur e lur concerts ad in 8x15 dals davos onns: Me + Marie, Loco Escrito, James Gruntz e Hecht.

Autur/a: Olivia Spinatsch, Moderaziun: Olivia Spinatsch, Redacziun: Danilo Bavier