Il nov disc da Lo & Leduc e la prevista sin il 20avel m4music

Quels dis publitgescha il duo da rap bernais Lo & Leduc ses segund album «Ingwer und Ewig». Sco che lur nova musica, ch'è in zic autra che sin l'album da success «Zucker fürs Volk», tuna, udis en il Soundcheck.

Lo & Leduc durant in concert
Legenda da maletgs: Lo & Leduc Keystone

Musica nova furnescha er ina squadra da project musicala enturn ils rappers svizzers Greis e Nemo. Lur chanzun «Cant keep quiet» è in statement per il moviment feministic.

Il soundcheck preschenta er highlights musicals dal 20avel festival da musica «m4music»: SBTRKT feat. Sampha, Ursina ni era Jeans 4 Jesus. Ils electropoppers svizzers han betg mo pront insatge bun per las ureglias cun lur nov disc «PRO», els mettan er sin il martgà insatge da bun'odur.

Autur/a: Olivia Spinatsch / Danilo Bavier, Moderaziun: Olivia Spinatsch, Redacziun: Danilo Bavier