Musica nova cun trantertuns politics

Il nov album da 'Frànçois & The Atlas Mountains' che sa numna 'Solide Mirage' è tranter auter ina dedicaziun a las revoluziuns da la Primavaira araba. E quai aud'ins!

Purtret da Francois and the Atlas Mountains
Legenda da maletgs: Francois and the Atlas Mountains MAD

Er autras expressiuns da protest politic en furma da musica han chattà plaz en Il soundcheck: La nova chanzun da la chantautura canadaisa Charlotte Day Wilson sa deditgescha als dretgs da las dunnas. In song che stgauda corp ed olma, betg mo pervia dal text.

En quest soundcheck udis dentant er novas chanzuns senza significaziun politica: da The XX, Bonaparte u era dals Svizzers Jeans for Jesus.

Autur/a: Danilo Bavier, Moderaziun: Olivia Spinatsch