007 – la fin s’avischina

Il 25avel film da James Bond vegn ad esser l'ultim cun Daniel Craig en la rolla da l'agent cun la licenza da mazzar. Ma tgi u tge vegn ad esser la fin da 007?

Legenda da maletgs: Keystone

Il nov trailer tar «No Time to Die» porscha gist pliras opziuns. Enfin che nus vegnin a savair, vai anc intgins mais. Il cumenzament d'avrigl vegn il nov James Bond en ils kinos en Svizra. In film che vegni a rumper records, vegn prognostitgà. In record ha el gia rut. Cun 250 milliuns dollars è el il pli char film cun l'agent 007.

Autur/a: Georgina Janki