Anna Maria Duff-Cahenzli venda 7'000 urtais il mais

Anna Maria Duff è oriunda da Siat. Avant 32 onns ha ella maridà Marcus Duff. Ensemen han els manà prest 30 onns il manaschi puril. Dacurt ha lur figl Rafael surprendì il manaschi. Anna Maria Duff gida anc oz gugent en stalla e sin il funs sper la cultivaziun da verduras.

Urtais èn fitg tschertgads a la fiera emnila.
Legenda da maletgs: Urtais èn fitg tschertgads a la fiera emnila. PIXABAY

Ils davos 25 onns è la dumonda per urtais da far capuns creschida massivamain. Enfin 7'000 urtais venda la famiglia Duff sin lur stan da products biologics. Per che quels creschian bain han ils Duffs installà serras da cultivaziun sin ina spunda sulegliva a Laus, sin 1'300 meters sur mar. Da l'era tempriva van las plontinas directamain en la serra.

Autur/a: Gaby Degonda