Siglir tar il cuntegn

Header

Navigaziun

Legenda: Guardar il video Cuschina regiunala e biodiversa. Durada 02:46 minutas.
Or da RTR Social dals 04.04.2019.
cuntegn

Biodiversitad e la cuschina Biodiversitad e la cuschina regiunala

En il rom da l'acziun naziunala da RSI, SRF, RTS ed RTR, « Missiun B» deditgescha RTR spazi a la cuschina regiunala e locala en relaziun cun la biodiversitad.

Jacobina e ses um Alexander Caduff han fatg blers onns il pur a Morissen en val Lumnezia. Avant insaquants onns han els surdà la puraria bio ad in da lur figls. Entant che Alexander Caduff è pensiunà, lavura Jacobina Caduff parzialmain en ina fatschenta d’artitgels da sport. Sia gronda passiun è dentant sia professiun: Jacobina Caduff è pura da bio entusiasmada.

En iert sun jau cuntenta.
Autur: Jacobina Caduffpura da bio

L'onn 2003 ha ella terminà cun success la scolaziun da pura. En ses iert cultivescha ella a moda biologica verdura, tartuffels, fritga e pumaraida. Ma era la cultivaziun da ervas biologicas e fluras tutgan tar la lavur da la dunna da 62 onns. Trair a niz e respectar la diversitad regiunala e locala è ses credo. Jacobina Caduff è tatta da sis biadis e gugent dat ella vinavant la schientscha e l’impurtanza da la biodiversitad en la regiun.

RR accumpagnament 10:15