Cuschina regiunala e biodiversa – Cotlettas d'ansiel

La biopura Nadia Deplazes da Surrein preschenta quest mais da matg tratgas da charn d'ansiel. Sin la puraria ch'ella maina ensemen cun ses um e lur dus uffants dad indesch e dudesch onns, han els vatgas-mamma, lamas e chauras.

Nadia Deplazes en stalla cun ina da sias chauras
Legenda da maletgs: Nadia Deplazes en stalla cun ina da sias chauras. RTR, URSIN CADISCH

La famiglia Deplazes porscha plinavant agroturissem cun in albiert sin l'alp da Glivers. Els fan part da l'associaziun Amarenda da divers purs da Surrein e conturn. Nadia Deplazes che ha 42 onns, lavura vitiers anc sco guida da viandar, fa amogna lamatrekking e d'enviern è ella engaschada sco scolasta da skis.

Autur/a: Marionna Lombriser