Cuschina regiunala e biodiversa – Ervas ed aroma

Las ragischs han fatg lur paus denviern. Jacobina Caduff ha cuvrì cun gronda premura las eras autas, nua che sa chattan las plantas d'ervas aromaticas. Pliras sorts timian, salvia, ruanaida, melissa Era frajas ha ella semnà tranter las ervas – tranter auter dovra ella la figlia per far té.

Ils biadis da dunna Jacobina en sco nanins tranter las ervas.
Legenda da maletgs: ls biadis da dunna Jacobina en sco nanins tranter las ervas. MAD

«La regina da las ervas è la vervena», di Jacobina Caduff. I saja sia erva preferida ed i saja da dar premura per che ella survivia sur enviern. Morissen schai sin 1350 meters autezza sur mar. Per che las ragischs da las plantas aromaticas survivian l'enviern cuvra ella las eras autas cun dascha e feglia da plantas e mistgel.

Autur/a: Gaby Degonda